Isaac a bolbe bira un tormenta tropical; Isaac tabata situa na 15.3 noord y 68.2 west cu ta 400 km zuid- zuidoost di Sto. Domingo. Isaac ta move west cu 22 km/hr y ta pasando den area di Caribe bayendo west. Manera e pronosticonan ta indica, isaac lo pasa na un distancia basta safe di Aruba (275- 350 km) den curso di diabierna anochi laat of marduga di diasabra. Departamento Meteorologico di Aruba lo sigui e desaroyonan rondo di Isaac cu hopi atencion.
Isaac ta moviendo direccion west na 22 km/h y e movimento general cu’n cierto disminucion den su avanse ta anticipa cu den e proximo dianan e lo por haci un giro pa west-, noordwest diadomingo atardi. Den su trayectorio pronostica, Isaac lo move riba lama Caribe oriental y cental durante e proximo dianan, y lo por ta cerca of pazuid di Jamaica na comienso di proximo siman cu bientonan sosteni di cerca di 65 km/h. Bientonan maximo sosteni a subi na casi 65 km/h. Segun pronosticonan lo tin poco cambio den e proximo 36 horanan. Isaac probablemente lo conberti den un depresion tropical pa diadomingo y pa dialuna lo degenera na un ola tropical.
Efectonan riba condicionnan local:
Na medida cu Isaac ta move a trabes di awanan regional, lama lo ta localmente bruto; esaki lo ta principalmente den fin di siman aki. Ta spera olanan di 5 pa 8 pia, den e costa noord di west te noordoost. Tambe banda pasid por tin olanan di 5 pa 6 pia. Aruba lo keda pafo di e i bientonan duro produci door di e sistema aki, door cu Isaac lo pasa na un distancia safe (275-350 km) panoord di e isla, diasabra mainta.