ALABAMA, Merca- Estado Mericano di Alabama lo mantene su estado di alerta te ora cu e tormenta pasa. Louisiana ya caba a mobilisa helicopter y otro ekiponan pa zonanan cu por resulta mas afecta.
Tormenta Tropical Cindy ta moviendo hopi slow den Golfo di Mexico y ta menasa di genera “inundacionnan peligroso” den su recorrido pa Merca.
E efectonan di e awasero lo por wordo sinti den e cualkier momento durante e proximo 24 oranan. E awasero torencial lo por genera inundacionnan den algun parti noord di e costa di Golfo.
Cindy, e di tres tormenta tropical di 2017, ta bin cu bientonan di te cu 50 miya pa hora (85 k/h) den su recorrido actual na 170 miya zuid oost di Morgan City, Louisana y na 180 miyna (285 km) zuidoost di Galveston, Texas.
Ta ser spera cu Cindy lo yega Louisiana diaranson anochi. Un maximo di 12 inch lo por genera inundacionnan zuid di Louisiana, Mississippi, Alabama y partinan di Florida diahuebs.
Fuente: www.univision.com