MANILA, Filipina- E balans di cantidad di mortonan pa e tormenta tropical Tembin den zuid di Filipina a subi na 182. Asina autoridadnan a informa, mientras cu 153 aomda ta sigui sin sa nan paradero.
E balans no ta stop di aumenta. E ultimo cifra ta inclui 36 curpa cu a wordo recupera diasabra den awanan di e riu Salong, na Mindanao.
E tormenta a provoca inundacionnan y desclice di tera, causando desaster. Randon Salvacion, un responsabel di e polis di e ciudad di Sapad, a declara cu e curpanan rescata na Salong tabata procedente di e localidad di Salvador.
Sapad y Salvador ta situa den e provincia di Noord- Lanao, noordoost di e isla, un di e zonanan mas afecta pa Tembin.
Mas di 120 mil habitante di e isla mester a huy for di nan hogar. Según polis, 19 persona a fayece den e pueblo montañoso di Dalama, cerca di e ciudad di Tubod.
Polis, soldaat- y boluntarionan ta trahando haciendo uzo di palonan pa purba haya curpanan dera bou di e lodo y e ruinanan di e pueblo agricola di cerca di 2 mil persona.
Fuente: http://www.ntn24.com