MIAMI, Florida – E Centro Nacional di Horcan, a declara cu e tormenta tropical Maria ta moviendo west y ta spera su fortalecimento.
Den e boletin intermedio di 8’or di anochi, NHC a indica cu e centro di Maria ta 590 miya oost zuidoost di e Antianan Menor, den e latitud 12.4 grado nort y e longitud 53.0 grado west. E ta continua cu bientonan di 50 miya pa ora cu rafaganan mas halto y ta move west riba 19 miya pa ora. Su presion central minimo ta di 1.002 milibar.
Den e pronostico aki, a detaya cu e tormenta por converti den un horcan pa diadomingo atardi, ora cu e aproxima Isla ‘Riba. Tambe, riba e mapa di e trayectoria ta mustra cu Maria por tin biendonan di mas di 110 miya pa ora ora cu e acerca Puerto Rico.
Pa loke ta e panorama aki, e Gobierno di Francia a emiti un huricane Watch na Guadalupe.
Tambe ta sigui en efecto un watch pa Antigua, Barbuda, St. Kitts, Nevis y Montserrat. Tambe a emiti un vigilancia di tormenta tropical pa St. Lucia, Martinique, Guadalupe, Dominica, Barbados, St. Vincent y Grenadines.
Un vigilancia di horcan ta nifica cu e condicionnan di horcan ta posibel dentro di e area bao di vigilancia den e proximo 48 oranan.
Mientras un vigilancia di tormenta tropical ta nifica cu e condicionnan di tormenta tropical ta posibel dentro di e area bao di vigilancia generalmente dentro di 48 ora.
NHC a indica cu Antianan Menor mester keda atento ante e progreso di e sistema aki y a agrega cu por emiti avisonan adicional di vigilancia di tormenta tropical of horcan, probablemente lo wordo emiti awe nochi of diadomingo tempran.
Ta premira cu Maria, despues cu e atravesa Puerto Rico for di oost pa nort, entre diaranson y diahuebs di otro siman.
Finalmente ora cu e forma y afecta Caribe, e sistema aki lo yega despues di dos siman cu e horcan Irma a causa destroso na Isla ‘Riba, specialmente na Sint Maarten, Sint Thomas y Barbuda.
Riba e isla, mas of menos 12 municipio a wordo declara zonanan di desaster. Pero tras otro peticion haci e siman aki pa e gobernador Ricardo Rosello, e director di e Agencia Estatal pa Maneho di Emergencia y Administracion di Desaster, Abner Gomez, a informa cu e cifra actual di e pueblonan afecta, a aumenta na 27.
Tormenta Lee
Di un otro banda, pa 5’or di atardi, NHC a informa cu e centro di e tormenta tropical Lee, ta riba un latitud 12.6 grado nort y e longitud ta 34.2 grado west, mas of menos un 720 miya west zuidwest di islanan Cabo Verde na Africa. Pa awor aki, no ta premira cu e sistema aki afecta Antianan Menor of Puerto Rico.
Lee ta mantene bientonan maximo sosteni di 40 miya pa ora y ta move west riba 10 miya pa ora. E tin un presion central minimo di 1,007 milibar.
Entretanto, horcan Jose ta sigui cu biento di 80 miya pa ora y ta move nort riba seis miya pa ora. Su centro ta riba un 28.9 grado nort, 71.9 grado west.
NHC ta adverto cu desde North Carolina pa nort di New England, na Merca, mester ta pendiente pa e desaroyo di e sistema, cu por yega of na acerca na su costanan. Sin embargo ainda no a emiti ningun boletin al respecto.
Fuente: www.elnuevodia.com