MIAMI, Florida – Tormenta Irma ya ta “un poderoso horcan” cu ta agita oceano Atlantico den su trayectoria pa Caribe, cu bientonan maximo sosteni di 185 kilometer pa pora, manera cu e Centro Nacional di Horcan (NHC) di Merca cu sede na Miami, a informa. Segun su previsionnan, ta spera fluctuacion den su intensidad, si ta bon, ta sigur cu e lo mantene un forsa considerabel durante fin di siman.
Irma a pasa di tormenta pa horcan di categoria 2 durante e mainta di diahuebs y rapidamente a alcansa categoria 3. E balornan aki ta coresponde na e escala Saffir-Simpson, cu ta clasifica horcannan den 5 nivel distinto segun su intensidad.
Nos ta dilanti di e di tres horcan di e temporada ciclonico den e cuenta Atlantico, situa awo mas of menos 1350 kilometer zuidwest di islanan Cabo Verde y mas of menos 2680 kilometer oost di Antianan Menor, desplasando pa west-noordwest cu un velocidad di traslacion di 119 kilometer pa ora.
Estudionan meteorologico cu a tuma luga te cu awor aki ta predici un giro nocturno west, sigui di un movimiento west-zuidwest diasabra.
Fuente: https://actualidad.rt.com