HAVANA, Cuba- Un tornado intenso a afecta Havana den oranan di atardi y anochi di diadomingo. Esaki tabata un ‘tormenta extra tropical’ cu a forma den golfo di Mexico.
Presidente di Cuba, Miguel Diaz- Canel, a comunica cu e tornado a laga al menos 3 morto y 172 herido na Havana. “Dañonan ta enorme” y “ya caba varios unidad ta trahando ariba e restablecimento”, e mandatario a skirbi riba su cuenta di Twitter.
Segun Cubadebate, e horcan a laga e capital Cubano sin coriente. E corant Granma a raporta cu e sectornan mas afecta tabata Santo Suárez, El Cerro, Centro Habana, Vía Blanca, Regla y Chibás.
E Instituto di Meteorología (Insmet) di Cuba inicialmente a duna aviso di “un tormenta extratropical” cu a forma diadomingo mainta den e Golfo di Mexico, na un asina yama ‘cold front’ cu ta extende te na e zona zuid, zuid-oost.