Inespera un terencial awasero a asota Aruba diadomingo marduga pa mainta. Esaki ta un awasero cu ta di un duracion di mas largo mes cu manera a wordo spera di Horcan Mathew. Tabata manera un sorpresa cu ta lanta mainta cu asina un cantidad di awa cu a yobe den mayoria districto di Aruba. Kisas pa un cu no hopi molester y pa otronan sigur un desilusion formal mirando nan pertenencianan bay perdi cu un hogar bou di awa. Sigur ningun hende no keir pasa un den amargura asina ki cu cantidad di awa cu a drenta for di dilanti y sali bek patras.
Tabata diadomingo mainta net despues di e torencial awasero aki di biaha esnan encarga cu Departamento di Agricultura, Cria y Pesca Santa Rosa a percura pa haci un inspeccion na e damnan cu mas ta den cercania di cas. Sabiendo tambe cu tin algun dam cu no tabata falta mucho pa yena full. Esaki sigur ta percura pa tin un miho bista y tambe registra tur e damnan cu a yena full of otronan cu a bai “over”. Nos ta papiando aki di damna cu ta keda mas parti den Santa Cruz. Cuminsando na e dam di Casariba, Dam di Rooi Bosal patras di Stadion di Nadi Croes y Crismo Angel, Dam di Sabina cu ta keda bandi Veld di Trappers, Dam di Desha cu ta keda patras di Kenro Jewelers, Dam di Pal’I Boonchi patras di Wen Kee, Dam di Piedra Plat, Dam di Cheta na Paradera, Tanki Leedert y Tanki Flip cu ta esunnan cu e yena completamente. Esunan cu a a bay over ta esun di Sabana Grandi, Rooi Afo y Noord pariba di Misa di Noord. Tur e damnan aki tin awa te na rand y sigur mester pone atencion riba esaki. E damnan aki ta hopi hundo mes.
Na momento cu un dam tin asina hopi awa acumula sigur esaki ta bira un peliger pa mucha. Nos sa cu muchanan ta hopi prufia y sigur lo kier bay hunga of tin te hasta ta baña den e dam. Nos di Departamento di Agricultura, Cria y Pesca ta haci un apelacion na tur esnan cu ta biba den cercania di un dam pa pone bon atencion of avisa e muchanan kico por ta e peliger y consecuencia di esaki. Sigur cu e tera tambe ta satura di awa y no directamente bo mester bai hunga den e dam of kisas bo para na rand mes esaki por sak y bo por cay aden.
Nos por a tuma nota tambe cu hopi ta e sushinan cu a bin via di rooi e termina den e dam cu por a observa hopi boter di plastic y otro obhetonan cu no mester ta den e dam. Pesey tambe nos ta haci un apelacion pa no tira sushi ni den e dam y mucho menos tampoco den e rooinan paso na momento cu tin un awasero terencial esaki ta bin cu tur sushi cu ta termina den e damnan rond Aruba. Esaki tampoco nos no ta desea.
Di parti di Santa Rosa nos ta sigui cu nos servicio di entrega di awa awo cu nos tin suficiente awa pa un periodo mas largo ainda pa nos productornan local por sigui produci cumindanan fresco caminda.