Internacional: Chile ta bolbe na normalidad despues di blackout masivo y Boric a mustra riba e compania electrico E mandatario a bisa cu gobierno lo lansa un investigacion pa determina e causanan exacto di e fayo y aplica sancion na e companianan responsabel; Nan a kita e estado di emergencia
Chilenonan a bolbe subi caya diaranson mainta despues di e fin di e toque de queda declara a consecuencia di e blackout masivo cu a afecta e pais, aunke 90% di e casnan ya tabata tin coriente te cu mey anochi, un cifra cu a subi na 94% awe mainta.
Mei mei di zomer, 95% di e 20 miyon ciudadanonan di Chile a sufri un interupcion inusual di servicio diamars atardi cu a hinca e pais den caos y confusion.
E blackout, cu a cuminsa pa 3:16 p.m., a afecta un area amplio di e pais, for di e region di Arica y Parinacota na nort te na e region di Los Lagos na zuid.
Hende tabata na caminda pa trabou, y auto, bus tabata move den caya despues cu e prohibicion a termina pa 6 a.m. (ora lokal).
