For di nos fuentenan por a compronde cu basta polis mes tabata riba caya for di 9 or anochi y e prome ora di Toque de queda dia dos a kibra record. Den menos cu un ora a kibra mas cu 20 detencion segun informacion cu nos por a haya di esnan riba caya.
Avalancha di video nos a haya tambe di esnan cu ta graba y manda pa nos redaccion hasta un bombardia baranca riba polis na De Vuyst cu detencion dilanti un cas y e hendenan a lanta cu Polis. Varios auto ainda riba caya. Na Seroe Patrishi habitantenan a informa nos cu mas cu un ocasion polis a drenta e bario debi cu muchanan a subi caya pega sushi na candela mei mei caminda y hasta baki di sushi. Y polis a baha man duro haci detencion.
Tin cu aplaudi e Alto Comisario di Polis cu tambe a subi caya traha cu su coleganan den e momentonan serio aki.
Ta mustra cu hendenan of un grupo no ta tumando esaki na serio y ta haci chansa cu e situacion di e virus aki cu ta un pandemia y ya Aruba tin 9 caso registra y 1 ta local cu a keda pega aki.