Siguiendo e calendario di actividad di 2018, Aruba Karate Bond ta invita tur scol di karate pa participa na e ‘Vacation Kickoff Tournament 2018’. Centro Deportivo Betico Croes ta e luga pa topa riba diadomingo 8 di juli 2018 ora cu e campeonato di karate ranca sali 10 or di mainta. Cu presencia di arbitronan local y internacional, Aruba Karate Bond ta sigur cu e campeonato aki lo bira uno extra atractivo.
Participacion na e tercer campeonato di Aruba Karate Bond ta 25 florin pa miembro y 50 florin pa ‘no miembro’. Mas cu claro comunidad di Aruba henter ta invita pa bin presencia e ‘Vacation Kickoff Tournament’ aki dia 8 di juli 2018 na Centro Deportivo Betico Croes desde 10 or di mainta. Entrada pa publico ta completamente gratis.
Pa mas informacion tocante e ‘Vacation Kickoff Tournament 2018’, por email Aruba Karate Bond na
[email protected] of yama 7370058 (Sensei Felix Tromp, presidente AKB) of 5932002 (señora Janina Werleman, secretaria AKB). Registracion preferiblemente no mas tarda cu diahuebs 5 di juli 2018.