Sr Rene Bernabela di Sindicato TOPA den un entrevista a informa cu debi na salud e no a presenta na e reunion cu gobierno a yama siman atras relaciona cu e situacion di Aruba y pa e salarionan di empleadonan publico y raad di sindicato TOPA a atende esaki. A sinta telefonicamente pa haya un update di e situacion y kico ta e pensamento di TOPA. Pa Sindicato TOPA pa cu e reunion entre gobierno e medidanan cu Gobierno kier bin cune pa empleadonan publico, Gobierno a duna di conoce cu esaki ta temporalmente. A duna di conoce cu esaki lo drenta na vigor na luna di Mei y lo termina den luna di December.
Na e momentonan aki tin un informacion ta circula riba medianan social di cual sindicato TOPA ta distancia su mes totalmente y esaki no ta cuadra cu e berdad e post ta menciona cu e reduccion cu gobierno ta bay implementa, no ta asina cu Gobierno ta bay kita 12.6% di e salario di e empleado publico y locual cu gobierno ta bay baha ta solamente 5% di e salario di e empleado publico y banda di vakantie uitkering, gelijkbedrag, y reparatie premie ta wordo baha temporalmente cu 50%.
E reparatie premie cu ta keda cobra den lunanan di Augustus y e gelijkbedrag na luna di November esaki no ta wordo paga den bo salario y esaki ta parti di un toelage cu bo ta haya banda di bo salario, no ta tur luna bo ta cobra esaki den bo salario y esaki ta pone cu sindicato TOPA kier trece dilanti.
E salario di e empleado publico lo keda deduci cu 5% cu ta wordo entrega y e parti principalmente cu Gobierno a informa cu e ta temporalmente te cu luna di December 2020. Tur esaki ta conta tambe pa e directornan, contractanan, coordinadornan cu ta hayando toelage tambe lo keda tuma aden un parti.