Delegadonan di TOPA na DIMAS a hala atencion ariba e problema di riool. E holo di riool cu ta biniendo halto di edificio di DIMAS. Presidente di TOPA, Rene Bernabela a bin cu e denuncia.
E trahadonan di Dimas ta continua cu e keho di holo aki siendo cu a cuminsa pica riba wowo. Tur e aspectonan aki no ta nada nobo. Den pasado, ya caba pa locual ta DIMAS tabata tin problema semehante a manifesta. E tempo ey a schakel in DOW y un compania di limpiesa pa bin cu un solucion y e problema ta parce cu a calma un rato.
Pero awor aki atrobe e problema di riool a bolbe bin dilanti. TOPA ta pidi gobierno y Minister di Salubridad Publico pa bin cu un solucion definitivo pa e problema di riool pa cu e holo y tambe pa reestablece pa den futuro bin cu’n solucion pa evita cu cada biaha e holo di riool por penetra den edificio di DIMAS.
Sr. Bernabela a pidi un rapport ultimo biaha unda cu supuestamente a priminti TOPA cu nan lo haya un copia di e rapport aki. Mientras tanto e problema a wordo soluciona, pero despues di tempo e problema a manifesta atrobe. TOPA ta pendiente pa un reunion cu e directora di DIMAS, pa puntra kico a pasa cu e rapport cu a keda pendiente. Y kico ta e solucion pa cu e problema cu a manifesta atrobe.
Tur e partnernan mester sinta hunto den un comision pa wak structuralmente con ta bay soluciona e problema di e holo di riool insoportabel na edificio di DIMAS unda cu hasta ta afectando e wowonan di e personanan y ta un problema cu mester wordo soluciona siendo cu e ta algo di hopi aña caba, segun Sr. Rene Bernabela, di sindicato TOPA.