TOPA disgusta cu caminda di cruz pa ambtenaar haya su derecho

Sindicato TOPA tabatin bon y mal momento cu e actual gobierno, según Rene Bernabela di e sindicato TOPA a bisa.

Un di e asuntonan cu nan ta keda preocupa cu ne  ta promocion di ambtenaarnan cu ta keda pega. Ta varios biaha sindicato TOPA mester a scoge pa subi trapi di Corte pa miembronan den casonan cu por a wordo resolvi for di inicio. Ta perde tempo y placa, y mayoria caso e ambtenaarnan ta gana esakinan. Pero asina mes e departamento di Recurso Humano no ta otorga e promocion corespondiente.

Den e proximo gobierno ta bay pidi pa bini cu un forma structura di traha, kita red tape pa loke ta promocionnan di ambtenaarnan. Tin un frustracion grandi den Gobierno, pasobra ta lanta tur dia cumpli cu nan trabou, pero ora cu mester haya nan promocion cu nan tin derecho corespondiente, mester bringa, tin biaha te dilanti di Corte.  “Nos ta lamenta con ambtenaarnan ta wordo trata,” Bernabela. Nan ta pasa hopi problema den nan posicion huridico.

E fastioso ta cu apesar cu e ambtenaar por tin te cu cinco aña sperando pa su promocion, na momento cu haya esaki ta bay solamente cu tres aña atras. Pues e ambtenaar ta perde y gobierno ta gana. Y riba dje ora cu yega na un acuerdo, e no ta hay’e di biaha. E ta haya e pago tres luna despues cu e haya su landsbesluit.

E ta haya cu pa obliga e departamento concerni pa ehecuta e uitspraak, mester mara esaki na un boet.

Comments

comments