TOPA a reuni cu gobierno ariba e tema di indexering

Sindicato TOPA a reuni cu Minister Presidente, Sra. mr. Evelyn Wever- Croes, unda tur sindicato cu ta representa empleadonan publico ariba e diferente puntonan pa locual ta e parti di indexering, gelijkbedrag y bashiepremie. tambe e Centraal Comissie (GOA).

Sr. Bernabela di TOPA a splica cu na 2013 tabata ultimo biaha cu a paga indexering cu tabata e Fls. 85,-. A pasa 3 aña (2015- 2017- 2019) cu a paga esaki y durante e reunion kier a cuminsa cu e dialogo ariba e aspecto aki, mirando cu e añanan ta bay ta pasando y e parti di indexering, e inflacion pa locual ta e trahadoann di gobierno ta keto para. P’esey a opta, como sindicatonan di gobierno, tene un reunion cu gobierno, pa asina gesprekspartner, sinta y combersa, por wak e pensamento di gobierno pa wak den ki direccion tin cu bay cu e parti di indexering aki.

Sindicatonan a informa gobierno ariba esaki y gobierno na su turno, lo tin cu e departamento di CBS y tambe Banco Central pa locual ta haya sa e % na e momento aki, cuanto e ta y basa ariba esaki, ora cu gobierno di su banda, haya e informacion necesario lo yama e sindicatonan bek na mesa, pa asina bay mas amplio ariba e aspecto con ta bay atende cu e porcentahe cu ta conoci e momentonan aki, pa locual ta e informacion.

Apesar di tur tecnologia, toch tin cierto cosnan cu ta keda tranca. Awendia cu tanto tecnologia na nos alcance, ta cu’n cera y habri di wowo ta suppose di haya tur e informacionnan aki. Sr. Bernabela, di TOPA a sigui bisa cu gobierno di su banda, mirando cu nan tin otro responsabilidad tambe, di otro aspectonan, a bisanan cu lo duna e beneficio di duda, pa haya tur e informacion necesario pa invita tur e sindicatonan presenta pa un otro reunion pa cuminsa cu e dialogo pa loke ta indexering.

Pa loke ta e porcentahe di inflacion ta aworaki, lo mester pensa ariba un sistema cu gobierno lo por wak si e totalidad di locual inflacion ta, lo mester bay, p.e. parti’e den 2 caminda cu ta paga e aña aki, e prome mita y otro aña e di dos mita. E ora pa e di tres aña e cifra a cambia, unda cu lo mester sinta na mesa atrobe pa atende cu e porcentahe cu e ta, na e momentonan ey, segun Sr. Rene Bernabela, lider di sindicato TOPA.

Comments

comments