Autoridadnan policial y ekiponan di di SWAT tabata tin un fuerte intercambio di tiro cu un sospechoso cu a tuma varios rehen den un banco riba e campus di Universidad di Alabama.
Segun un alerta emiti pa e centro di educacion superior dirigi na e studiante y funcionarionan, autoridadnan a reacciona riba un supuesto intento di atraco riba un oficina bancario.
Segun e institucion mes, e area di emergencia a wordo blokia y a wordo pidi na e comunidad pa nan mantena nan mes aleha di e area.
E vocero di polis di Tuscaloosa, a bisa cu un homber arma a drenta den e oficina bancario ya tuma varios funcionario como rehen.
Polis a confirma cu e agresor a wordo deteni y a declara e area como un luga sigur.
Investigacionnan awo ta dirigi na determina e intencion di e agresor di a crea panico den e campus universitario.