CARACAS, Venezuela – Venezolanonan den exterior lo participa diaranson den un protesta denomina “Con Venezuela”, den cuadro di e mobilisacionnan convoca pa e oposicion pa rechasa e suspension temporal di e revocatorio contra Nicolas Maduro.
E responsabel di e relacionnan internacinal di e partido Voluntad Popular, Manuel Avendaño, a indica cu e actividad lo wordo realisa den 15 pais. “Venezolanonan den alrededor di 15 ciudad rond mundo manera Roma, Milan, Houston, Miami, Bogota, Lima, New York, Barcelona, entre otro, ta uni den e Toma di Venezuela pa duna na conoce nan descontento pa e violacion di e Constitucion door di nenga e derecho di revoca e mandato for di Nicolas Madsuro,” el a expresa.
El a añadi cu e Venezolanonan radica ta rechasa no solamente e paralisacion di e proceso di e referendum sino e falta di respet na e derecho di voto. “Awo na luga di bay haci un recoleccion di marcanan simbolico, nos lo uni na e protesta,” Avendaño a agrega.
Fuente: NTN24