TOKYO, Hapon – Diaranson e canciyernan di Hapon, Sur Corea y China a duna comienso na Tokyo un cumpre trilaterial cu lo centra su atencion riba e misil balistico cu Nor Corea a lansa oranan prome desde un submarino y cu a cay mas of menos un 500 kilometer di e costa Hapones.
“Mi ta spera cu nos mantene un debate substancial (riba e programa di misilnan Nor Coreano) durante e reunion,” e minister di Exteriornan Hapones, Fumio Kishida a splica prome cu e comienso di e reunion, den declaracionnan recogi pa e agencia di noticia Kyodo, segun Efe.
Na e encuentro a asisti tambe e canciyer Sur Coreano, Yun Byung-se y e Chines Wang Yi.
E misil a wordo lansa pa un submarino Nor Coreano desde e costa oriental di e hermetico pais rond di 5’or ora local.
E proyectil a recore mas of menos 500 kilometer y a aterisa riba un otro 500 di e costa Hapones, loke ta supone e prueba di mayor exito te cu e fecha pa Pyongyang cu e tipo di misilnan aki y a subraya e avancenan peligroso armamentistico di e regimen di Kim Jong-un.
Ta spera cu e combersacionnan di diaranson lo sirbi pa prepara futuro encuentro, entre nan un posibel reunion entre Hapon y China den marco di e cumbre di G20 cu lo wordo celebra den e ciudad Chines di Hangzhou dianan 4 y 5 di September proximo.
Fuente: El Universal
- Latest
