E campaña di aña pasa, Stimami, Sterlisiami, caminda nan ta subsidia e gasto di sterilisa cacho y pushi nan Aruba. Esaki ta pa baha e poblacion grandi di cachonan cu pushi riba caya.
Sra. Tisa La Sorte, di Bucuti Beach & Resort, a splica e campaña a bay miho di loke nan a kere. Nan tabata tin un budget, y nan a gasta 380 mil florin den e prome aña y a sterilisa 3800 cacho y pushi. Ainda tin mas di 6 mil registracion total. Mester caba cu e registracion, y esunnan menos di 6 luna bieu nan lo sigui subsidia.
E problema di cachonan ariba caya ta un hopi serio, pa dos motibo. Tin e localnan cu ta haya molester ora nan ta cana, of nan ta wordo ataca ora di pasa ariba bicicleta. Esunnan cu ta stima bestia, ta haya duele cu hopi di nan ta bay den afmaakhok y ta wordo mata. Of nan ta sufri riba caya di malesa y esey no ta manera pa trata nos animalnan. Pa e turistanan esaki ta un mal impresion di nos comunidad, cu nos no ta cuida nos mascotanan.
Lo bay drenta un etapa nobo, segun Sra. La Sorte, caminda no lo tuma mas registracion di individuo cu ta doño di cacho of pushi. Pero lo bay subsidia fundacionnan oficial cu ta yudando e cacho cu pushinan ariba caya. Ta haya cas pa nan y tin di nan ta hasta bay afo. Esey ta e fundacionnan cu lo bay sigui haya subsidio.
Aruba Tourism Authority y Aruba Tourism Enhancement Fund ta e dos instancianan cu a yuda e campaña por medio di nan donacion.
E solucion a termino largo ta sterilisacion y p’esey ta spera cu, aunke no ta bay subsidia individuonan mas, toch e doñonan hibanan sterilisa. Tin hopi cacho cu tin nan doño y toch nan ta riba caya. Awo tin un ley cu cacho no mag di ta riba caya, pero door cu e ley no ta wordo reenforsa, hopi hende no ta worry cu e ley aki. Como 35% di cachonan riba caya tin doño.
Sra. Tisa La Sorte di Bucuti Beach Resort a splica cu tur e plataforma ta di acuerdo cu e solucion cardinal ta sterilisacion. Bucuti Beach Resort a paga pa e buki caminda cu polis por duna e doñonan ora cu nan yega na un cas si nan wak cu e ley di cacho ta wordo viola.
Lo bin cu un campaña di conscientisacion pa tin doño responsabel y sterilisacion. Ta spera cu por sigui pone atencion nan e problema, papia cu gobierno y wak si por yega na reenforsa e ley di cacho mucho mas miho, segun Sra. Tisa La Sorte, di Bucuti Beach Resort, sponsor principal di e campaña Stimami, Sterilisami, cu tin como meta baha e poblacion di cacho y pushi riba caya.