MARYLAND, Merca- E oficina di e Comisario di condado di Harford (Maryland) a informa di un tiroteo cu a laga varios persona morto como tambe heridonan den e poblacion di Aberdeen. “Mi por confirma varios morto y multiple heridonan”, e comisario, Jeffrey Gahler, a bisa den un conferencia di prensa. Pero no a precisa e cantidad di victimanan.
E presunto autor di tiroteo ta “deteni y den condicion critico” den un hospital, el a agrega.
Autoridadnan a ricibi yamada di altera tocante e tiroteo pa 9 or y 06, hora local. Den cinco minuut a desplega polisnan pa e luga, segun e comisario.
Según medionan Mericano, al menos tres persona a muri y otronan a resulta herida den e suceso cu a tuma luga den e centro di distribucion di e cadena di botica Ride Aid.
Un vocero di e botica, Susan Henderson, a confirma na CNN cu e tiroteo a tuma luga den su instalacionnan, unda cu tin miles di persona ta traha. Aberdeen ta un localidad di cerca di 14 mil habitante situa na 55 km noord di Baltimore.