Paris, FRANCIA- Por lo menos un polis a muri y otro dos a resulta herida den un tiroteo diahuebs na Paris. Esaki a sosode riba un di e avenidanan mas druk di Paris, Champ- Elysees.
Autoridadnan a informa cu un atacante a baha for di un auto y haciendo uzo di un arma automatico a cuminsa tira riba un truck di polis.
Ora cu e homber a purba huy, el a wordo tira mata door di agentenan.
President Frances François Hollande a bisa cu su gobierno ta investigando esaki como un atake di “caracter terorista” y a convoca su gabinete di siguridad pa un reunion extraordinario.
E boulevard popular di e capital Frances a wordo evacua mientras decena di patruya y agentenan policial a wordo desplega rond di e station di metro George V, algun meter leu for di e Arc du Triumph.
Ministerio Publico di Francia a un cuminsa un investigacion pa determina si ta trata di un incidente terorista.
Champ- Elysees, debi cu e ta un luga sumamente popular y conoci mundialmente, como tambe ta ricibi un gran cantidad di bishitantenan ta wordo considera como un blanco potencial pa atakenan terorista.
Fuentenan policial ta hiba e hipotesis cu e lo por a trata tambe di un intento di robo arma.
E atake a bin na momento cu candidatonan presidencial tabata sostene un debate televisa, e ultimo prome cu e eleccionnan presidencial di diadomingo proximo.