CALIFORNIA, Merca- Autoridadnan no a bisa nomber di e autor di e tiroteo, pero si a bisa cu el a wordo tira mata pa autoridadnan local, despues di a tira na varios occasion y na varios luga, incluyendo Tehama Elemantary School.
Dos hospital tabata dunando tratamento na shete persona, incluyendo tres mucha, segun AP, cu a raporta cu un di e studiantenan a wordo herida na scol y un otro mucha y un señora a wordo herida mientras cu nan tabata coriendo den auto.
Autoridadnan a bisa cu nan a haya yamada di personanan cu a bisa cu nan a scucha varios tiro rond di 8 or di mainta, na Rancho Tehaman, un area tres hora leu di San Fransisco.
“Den e tiroteo varios persona a wordo herida, y e individuo a tira varios biaha na e scol, segun autoridadnan.
Polis ta investigando por lo menos cinco escena di crimen, agregando: “E scol tabata safe. Tur e muchanan cu tabata na scol na e momento ey, tabata na un luga sigur”:
Pa loke ta trata e autor, autoridadnan ta bisa cu “e homber tabata tin casonan di violencia domestico, cual a wordo raporta pa bisiñanan”.
E tiroteo a tuma luga ariba e mesun dia cu miembronan di e famianan di e victimanan di e tiroteo na Sandy Hook Elementary tabata den Corte, demandando e fabricantenan di arma pa mercadea y bende riflenan AR-15. E arma ey a wordo uza pa mata al menos 20 mucha y 6 adulto na December 2012, na Newtown, Connecticut den un di e peor casonan di tiroteo massivo na Merca.
E tiroteo aki a sosode tambe, menos di dos siman despues cu un homber, uzando un rifle AR-15 a mata 25 persona, incluyendo varios mucha den un misa na Sutherland Springs, Texas. Na Las Vegas, anteriormente, 58 persona a wordo herida den e pio tiroteo masivo den historia contemporaneo di Merca.
Fuente: https://www.theguardian.com/