ACAPULCO, Mexico- Al menos dos persona a fayece durante dos tiroteo den un di e representacionnan di Pasion di Cristo mas simbolico di e ciudad turistitco di Acapulco, un ciudad zuid di Mexico.
E representacion religioso den un bario di puerto a wordo interumpi pa e intercambio di tiro entre civilnan arma den dos ocasion. Esaki a wordo informa door di Roberto Alvarez Heredia, vocero di siguridad di gobierno di Guerrero.
Un di e tiroteonan a tuma luga durante un persecucion pa e hortamento di un auto y e otro durante e atake riba un warda di polis.
E tironan a causa un estampida di fielnan cu tabata presenciando e escenificacion, mientras otro a tira na curpa abao na suela, mey mey di e puestonan comercial poni den e cayanan principal di e bario.
“Hendenan tabata grita y tabata core na yoramento. Mi a alcansa na hinca 15 persona den e veranda di mi cas pa duna refugio ya cu e tiroteo tabata intenso”, un bisiña a bisa bou di anonimato na AFP, testigo di e ambos tiroteo.
Guerrero, sede di destinonan di beachnan popular manera Acapulco, Ixtapa y Zihuatanejo, ta tambe un di e estadonan mas pober di e pais y di esunnan mas golpia pa violencia di crimen organisa.
Mexico a registra un record di asesinato na 2017, cu 25.339 homicidio, segun cifranan oficial.
Fuente: https://www.infobae.com