JACKSONVILLE, Merca- Un persona a muri y otro dos a resulta herdia den un tiroteo cu a tuma luga diabienra anochi despues di un partido escolar di futbol Mericano.
E victim mortal ta un ex alumno di e scol secundario Raines, unda cu e tiroteo a tuma luga, segun autoridadnan a indica.
Testigonan presente na e luga di sucedido a bisa cu e hechonan a tuma luga 15 minuut despues di e conclusion di e partido entre e ekipo di Raines contra di e scol secundario Robert E. Lee, pafo die stadion.
E dos hobennan cu a resulta herida, un mucha homber y un mucha muhe, ta studiantenan di e e scol Robert E. Lee, tambe di Jacksonville y a ricibi e impacto di bala den e parti superior di nan curpa den e prome caso y den e parti inferior den e di dos caso, segun polis local a informa.
Ainda e victim nan identidad a wordo haci publico ni tampoco a bisa di nan edad. Y tampoco di cualkier aresto relaciona cu esaki.
Autoridadnan educativo di e condado di Duval a indica cu nan lo reuni diasabra pa analisa posibel medidanan cu mester wordo tuma den partido of eventonan den futuro pa garantisa siguridad di e participantenan na esakinan.