GRASSE, Francia – Un tiroteo a sosode den un centro educativo di e localidad chikito di Grasse, zuid di Francia, a laga por lo menos dos herido, un fuente policial a afirma.
E disparonan a cuminsa despues cu un persona a drenta den e instituto Tocqueville, segun un di e fuentenan aki.
E presunto autor lo ta un studiante di 17 aña cu ya a wordo deteni pa e agentenan di polis, e cadena BFM a indica.
E homber, kende tabata arma cu un rifle, dos pistool y dos granada, a tira riba e director di e centro, cu ta levemente herida.
“E individuo no parce ta conoci pa polis,” e fuente a indica.
Un di dos fuente a bisa cu parce cu dos studiante a tira contra e director di e centro educativo, kende a resulta herida, agregando cu e sospechosonan no parce ta militantenan Islamico.
“Un di e dosnan a worod aresta y e di dos a huy. Tabata tin panico y e studiantenan a refugia den un supermercado,” e di dos fuente a señala.
Autoridadnan Frances a cualifica e hecho di atake terorista por medio di un aplicacion telefonico yama SAIP (Sistema di Alerta y Informacion pa Poblacion). Sin embargo, un fuente policial a bisa cu ta pronto pa cualifica esaki como tal.
Fuente: NTN24