UTRECHT, Hulanda – Varios persona a keda herida door di tironan. No ta mucho cla kico precisamente a sosode, pero polisnan no ta descarta un acto di terorismo. Informenan preliminar, ta papia un posibel victima fatal.
E Coordinador Nacional contra di Terorismo y di Siguridad (Nationaal Coördinator Terrorismebestrijding en Veiligheid) ta sigui e acontecimentonan di cerca y a yama un reunion di urgencia. Premier Rutte a interumpi e reunion di coalicion y ta papia di un “situacion alarmante”.
E tironan a cay rond di 10 or y 45 di mainta ora cu e tram tabata coriendo den cercania di 24 Oktoberplein, den e parti west di e ciudad. Polis ta investigando kico lo por ta e causa.
No ta conoci cuanto victima lo por tin. No tin niun detencion ainda. Ta buscando na un Renault Clio, color cora.
Polis a cordona e area rond di e plaza. E trafico di tram a wordo para y e banda robes di e A12 ta cera pa ekiponan di emergencia, por yega mas lihe na e 24 Oktoberplein.
Ekiponan di emergencia tambe a wordo yama masalmente pa brinda asistencia. Segun e sindicato ACP, polisnan cu tabata teniendo un accion di morocy pa un miho pensioen, a wordo yama pa termina nan accion y pa mobilisa nan mes pa e 24 Oktoberplein.
Un testigo a bisa di a wak un herido sali for di e tram na careda. El a wordo tira den pecho y tabata tin su paña y mannan na sanger. “Mi a hink’e den mi auto y yud’e. Ora cu polisnan a yega, e tabata for di tino.