PITTSBURGH, Merca – E homber arma cu a tira contra di e personanan den un sinagoga na Pittsburg no tabata kier pa niun di e personanan den e tempel a sali cu bida. E tabata arma cu’n rifle y varios pistool. E agresor a entrega su mes na polisnan despues di a mata al menos ocho persona. Esaki a tuma luga den e congregacion Hudiu Tree of Life na Squirrel Hill, unda cu tabata tin un fuerte operativo policial.
Segun informenan, tin un cantidad no specifica di heridonan, entre nan e agentenan policial cu a ricibi tironan durante un enfrentamento cu e sospechoso.
Fuentenan policial a indica cu e homber fuertemente arma a drenta den e centro religioso den oranan di diasabra mainta mientras e tabata grita : “Tur e hudiunan mester muri”. E sospechoso a tira tanto paden di e sinagoga como tambe riba oficialnan cu a responde na e yamada di emergencia.
Infromenan inicial a informa inicialmente cu e homber tabata den posesion di un metrayeur AK -47, pero polisnan a indica despues cu esaki realmente tabata un AR-15, como tambe armanan di caliber abao.
E informenan tabata mustra cu e homber lo tabata tin un artefacto explosivo pa cual a manda un unidad di SWAT pa ristra e edificio.
Autor di e tiroteo a wordo identifica como Robert Bowers di 46 aña, conoci riba GAB, un red social di Neonazi, y extremistanan di derecha.