CHICAGO, Merca (AP) — Un homber a cuminsa tira den un hospital di Chicago dialuna, caminda cu cuater persona a resulta herida, incluyendo un empleado di e hospital y un agente policial. Asina autoridadnan a informa.
E agresor a muri, segun un vocero policial, aunke no ta conoci si el a comete su suicidio of si agentenan a mat’e.
E tiramento a tuma luga den e hospital Mercy di e sector zuid di e ciudad. Polis a registra e instalacionnan di e hospital.
“Nos por a wak con e tabata draai y tabata tira ariba hende gewoon asina”, e testigo James Gray a bisa na e canal di television ABC7, y el a indica cu el a wak varios persona wordo tira.
Cuater persona ta den condicion critico, incluyendo un agente. Al menos un tabata empleadod di e hospital, segun Anthony Guglielmi, vocero policial.
Autoridadnan a pidi pa niun hende yega cerca di e zona.
AP a purba tuma contacto cu e hospital pero no a haya respuesta.
Canalnan di television a mustra varios persona, incluyendo algun cu bata blanco, cu tabata canando den e parkeerplaats cu nan mannan na halto.