ARKANSAS, Merca- Diasabra por lo menos 28 persona a resulta heridad durante un tiroteo den un club nocturno na Little Rock, Arkansas, Merca.
No tabata tin victimanan fatal den e tiroteo, cual a tuma luga den e Ultra Power Lounge na Litte Rock.
Binticinco persona a ricibi disparonan y 3 otro a sufri heridanan durante e incidente, segun polis.
“Nos no ta kere cu e incidente aki tabata di un tirado activo of un incidente relaciona cu terorismo. Ta parce cu tabata un pleito durante un concierto”, polis di Little Rock a bisa den un tuit.
Un persona ta grave y otronan tin heridanan menor. E edad di e victimanan ta varia den entre 16 pa 20 aña mas o menos.
Motibonan di e tiroteo no ta conoci y no tin ningun aresto haci.
E club tin dos nivel, e prome ta un restaurant y e di dos ta un salon, segn un descripcion ariba un website.
Fuente: www.cnn.com