PHILIPSBURG:— Hombernan arma a tira riba e lider di OMC, Olivier Arrindell, un caminda den e area di Cupe Coy diaranson nochi.
Despues di rato a haya sa cu Arrindell tambe a wordo tira pero no gravemente herida, pero si su casa a keda asesina debi cu bala a alcanse.
E casa tabata morto sinta den e auto parti dilanti banda di pasahero. Despues Arrindell a core cu su vehiculo y a core bay na Sonesta Maho Resort, unda su casa a fayece den su auto den e area di parkeo di taxi di e resort. Arrindell a core busca tapa den e lobby di e resort.
Arrindell su yu muhe jong tambe tabata den e vehiculo segun informacion.
Den un video cortico riba facebook, Arrindell a anuncia cu el a wordo tira y a mustra su siguidornan e herida cu el a ricibi, pero e no a menciona e status di su casa. Den un di dos video, Arrindell a bisa cu a haci un intento riba su bida y cu el a wordo tira den su lomba; tambe el a bisa cu e ta tene tur partido politico responsabel pa intento di asesinato. Vocero di Polis Felix Richards a confirma cu un tiramento a tuma luga algun caminda den e area di Maho/ Cupe Coy. Richards a bisa cu a base di informacion preliminar cu el a haya, tres persona a wordo tira y cu dos di e victimanan tabata den bon condicion. Na mes momento, personal di Ambulance tabata bezig trahando riba e di tres persona.
