Diadomingo algun minuut pasa di 12’or di marduga tironan a den caya principal di San Nicolas banda di american bar. Segun personanan un nissan march shinishi a pasa los varios tiro. Hendenan a scucha por lo menos 4 tiro. Dos persona a keda herida a bay warda di Polis pidi ayudo y a keda dirigi pa centro medico pa haya atencion medico avansa. Recherche a keda poni na altura. Polisnan a patruya estrictamente den “hanchi” pa wak si por topa cu algo regular. Loke si hopi hende a scucha y a mira e movecion di e march y nan a duna nan declaracion na Polis.
UPDATE
Esaki ta e version oficial cu a drenta diadomingo mainta di KPA:
Diadomingo madruga pa mas o menos 12:15 dos persona ta presenta na warda di polis San Nicolas cu herida di bala y dos na eerste hulp na hospital.
Esnan cu a presenta na warda di polis San Nicolas ta conta cu un rato prome aparentemente un Nissan March lo mester a pasa dilanti American Bar na San Nicolas y los tiro riba un grupo di persona para pafo . Nan ta sigui conta cu nan ta total 4 persona cu lo mester a haya herida di bala.
E dosnan cu a presenta na warda di polis a bay IMSAM pa tratamento medico y despues por a bay cas.
E otro dos personanan cu a presenta na eerste hulp na hospital cu herida di bala a wordo atendi di biaha y nan si a keda interna. Nan situacion ta stabil.
Patruya a bay na e sitio di e sucedido y recherche a presenta pa asina haci nan investigacion. Slachtofferhulp tambe a presenta.
Cuerpo policial ta pidi encarecidamente na es cu sa algo of a wak pa yama e tiplijn di polis cu ta 11141.