Diadomingo mainta trempan polis ta haya un yamada cu lo mester tawata tin tiramento pafo di American Bar. Un patruya ta bay na e sitio y di berdad ta topa cu evidencianan cu lo tawata tin tiramento. Tawata tin hopi sanger ariba vloer tambe indicando cu lo mester tin persona of personanan herida.
Pero na e sitio polis no a topa cu niun hende. Ni na Centro Medico tampoco niun hende no a meld cu heridanan di bala. Tur cos ta mustra cu diferente gang nan enemigo di otro lo a topa otro ey fo y cos lo a bira tenso unda tiro lo a cay. Departamento forensico tambe a presenta pa tuma evidencia y recherche tambe a presenta pa tuma dato. E caso ta bou di investigacion.