Diadomingo marduga pasa di 12or un patruya coriendo den Colombiastraat ta topa cu un persona bisti cu jeans y un jacket preto y ora e persona a wak polis e la cuminsa core pa polis. Polis a start cu un persecusion na pia y tawata grite pa e para. Mirando cu e sospechoso tawata wanta algo den e saco di e jacket polis no a confia y dune ordo pa para sino e lo los un tiro. E sospechoso a contesta polis ” ki bo a kere boso tin cos di tira”. Eynan polis a los un tiro di advertencia y hunto cu personal di arestatie team cu a bin duna un man a logra detene e sospechoso den Perustraat. Polis a transporta e sospechoso pa warda pa mas investigacion. Mirando cu polis a los un tiro di advertencia, departamento forensico di polis a presenta pa tuma y saca potret di evidencia. Polis a tuma dato.