Diasabra den oranan di marduga dos grupo a enfrenta otro debi na un problema y tabata tin tiramento a cay pero esaki no a alcansa ningun hende. E otro grupo a presenta na un cas den Isaac Wagemakerstraat y aki tiro a bolbe cay y e biaha aki bala a alcansa un persona hoben.
Tironan a lanta habitantenan for di soño cu a mira e situacion y un homber a keda hinca den auto y a bay for di e sitio. Na Centro Medico algun rato despues un homber hoben a yega cu tiro den curpa. Polisnan a yega di biaha pa busca informacion cu cooperacion di e personalnan di IMSAN, a notifica recherche cu a subi caya mes ora. E victima a bay hospital despues den ambulance pa haya atenicon medico avansa, e caso mes ta bou investigacion.