Dialuna anochi a tuma luga un caso di tiramento na Brazil. A pidi cu Urgencia un ambulance na e sitio debi cu e victima no ta reaccionando mas debi na e tironan ricibi den su veranda y un tiro den cabes. E prome informe cu autoridad a haya na e sitio ta cu e persona cu a tira riba e hoben ta den un auto preto.
Update
E informacion nobo ricibi ta bisa cu ta trata di un mucha homber di 20 aña, di inicial R. y tur cos ta indica, segun e prome informe na e sitio, ta cu ta trata aki di un reglamento di cuenta.
E persona cu a los e tiro ta core un Nissan March preto, glasnan no ta getint y e chauffeur tabatin un pechi bisti. Na momento cu famia a core yega pafo cerca dje, e no tabata reacciona. CU escolta policial a transporte pa hospital. E cas ta situa net banda di e edificio di SPO na Brazil.
E hoben mes ta den un situacion critico den hospital.
Personal di slachtofferhulp a acudi na e sitio persona y a bay hospital di biaha debi cu ambulance a bay cu urgencia pa hospital.
Hustamente den fin di siman recherchenan di San Nicolas a detene un hoben di 21 aña relaciona cu un caso di tiramento cu a tuma luga dia 15 di januari ultimo na Pos Chikito.