WASHINGTON, Merca – Te cu aworaki autoridadnan ta buscando dos sospechoso despues cu nan a tira riba varios hende tres kilometer leu for di White House na Washington, DC.
Segun informacion diahuebs anochi nan e tiponan lo a pasa y tira riba un apartamento y asina herida seis personal di cual un a bin fayece. Dos di e personanan cu a sali herida ta den un situacion di atencion. E tiponan tabata den un Nissan sedan ora nan a comete nan acto. Segun testigonan, e armanan di candela envolvi ta un rifle AK-47.
Un discusion pisa tin riba e tema di tiramento den e campaña nan di e diferente personanan cu ta preparando pa bira presidente di Merca otro aña .
Compania Colt a stop cu produccion di entre otro Rifle AR-15 cu a ser usa na diferente tiroteo cu morto. E motibo no ta pasobra e casonan ta aumenta, pero simplemente e compania a tuma nota cu e mercado ta satura cu varios di e tipo di armanan aki.