Diadomingo den careda di 1’or marduga varios persona den area di hotel a scucha un explocion, un patruya di Noord den e bisindario a scucha esaki y drenta accion di biaha raportando. A bin constata cu na The Village Mall unda e restaurantnan y night club ta eynan e explosion a pasa.
A topa cu un taxi cu su dos glasnan patras destrui. Segun e taxista un restaurant algun meter leu a bay cende un klapchi cu ta haci show pero algo a bay robes despues di dos tiro y a rementa basta duro. Esaki a sucede den presencia di turista y local. E polvo di e klapchi a spart riba un turista pero e no tabata desea asistencia medico ni di polis y a bay. Polis a tuma datos di tanto e daño na e auto y tambe e restaurant tin para responsabel.