E unico cu e Israeli Omer Block ta corda di un cita acorda a traves di Tinder den e ciudad Colombiano di Medellin ta cu e muhe tabata “bunita” y a uza un droga poderoso pa hort’e y stuf su memoria.
Despues di come, Bloch a bay bek su cas cu su acompañante y a kita tapa di un boter di cerbes. El a lanta e merdia siguiente sin su pertenencianan.
“Tabata dificil para for di e cama. Tabata manera cos cu mi tabata burachi. Mi a bay na mi lessenaar y a ripara cu mi iPad no tabat’ey (…), el a bay tambe cu mi cartera y mi credit cardnan. Por lo menos el a laga mi computer,” e empresario di 28 aña, den un entrevista cu AFP ora cu el a corda e suceso na final di 2021.
Segun un test medico, su memoria a wordo gestuf cu escopolamina, un droga cu ta tormenta e turistanan den un ciudad cu a supera e violencia di narco di e añanan nobenta, pero caminda cu otro mafia, manera trafico sexual, ta persisti.
Cu 2,6 miyon di habitante, Medellin ta e di dos ciudad di Colombia, e mayor productor di cocaina di mundo. Atrai p’e regueton, e clima primaveral y e bida nocturno activo, awo tambe un di e principal destinonan di Latino America.
E mortonan “sospechoso” di ocho Mericano na Medellin entre november y december di 2023 a hiba e embahada di e pais aki pa recomenda abstene pa uza aplicacion di cita na Colombia.
“E circunstancianan ta mustra na un posibel uzo di droga, robo y overdosis. Varios caso ta envolvi e uzo di aplicacion di cita,” e mision diplomatico ta detaya den su alerta na januari.
Den un di e episodionan mas reciente, e comediante y activista Mericano Tou Ger Xiong a wordo secuestra y despues haya morto dia 11 di december despues di a topa cu un muhe cu el a conoce riba internet.
“Facilmente e por tabat’ami,” un di esunnan afecta, Boch a bisa alivia, kende ta sigui biba na Medellin, a pesar di e robo.
Amnesia
E torennan residencial luhoso ta lanta riba e avenida di El Poblado, e bario ideal di stranhero manera Bloch.
“Mi a pensa cu tabata un mucha muhe mas, un cita mas,” e “nomada digital” ta lamenta of comerciante remoto cu ta traha mientras cu e ta biaha.
E cantidad di stranhero cu a bishita Medellin a pasa di 212 mil na 2015 pa 1,4 miyon na 2022.
Pero e mortonan violento “a aumenta mientras cu e cantidad di bishitante a aumenta,” William Vivas, defensor di derecho humano di alcaldia local a bisa.
E entidad a registra 32 victima stranhero na 2023, 7% mas cu e aña anterior. Fiscalia a atende 82 caso di stranhero victima di “ladronicia pa medio di substancia toxico” na 2022.
E dia despues di su cita malogra, Bloch a lanta cu un dolor di cabes fuerte. “Solamente mi ta coda di a acerca su nek pa sunchi e y despues… Click!, mi a lanta,” el a conta.
Escopolamina
Esunnan mas cerca di Bloch a hib’e un hospital, caminda cu nan a detecta lastro di escopolamina cu por saca for di e mata Brugmansia, conoci como “borrachero” pa su efectonan psicotropico.
E substancia ta prohibi na Colombia, pero “e mata ta cu un distribucion hopi amplio riba henter e teritorio,” hasta den e zonanan urbano, Diana Pava, toxicologo di e grupo di investigacion di substancia psicoactivo di e Universidad Nacional, a splica.
E delincuentenan ta extrae e escopolamina for di e simianan preto di e frutanan ya scondi ta bruh’e den e bebida di e victimanan.
“Tin persona cu por tin soño (of somnolencia) ora cu bebe. Otro por tin amnesia (…). Tambe tin palpitacion, presion halto y convulsion (tipo di ataca),” Pava ta alerta.
Den dosis halto y combina cu alcohol, e por ta fatal. Fuera di esey, Pava ta adverti, ta inusual detecta escopolamina ya cu e curpa ta elimin’e rapidamente.
“Expatriado sexual”
Cuna di e capo asesina di cocaina, Pablo Escobar, Medellin ta biba un aumento di prostitucion, cual ta legal na Colombia y cu ta compaña e boom turistico.
Anochi, e aceranan comercial ta transforma den un mercado di sex den aire liber cu un dozijn di hende muhe ofreciendo nan servicionan, specialmente n’e stranheronan.
Nos ta posiciona como un luga hopi “cool” (pero) tambe a bende” Medellin “como un lucha di hopi ‘permisividad’, Jazmin Santa, integrante di La Mesa Contra la Explotacion Sexual Comercial de Niños y Adolescentes, ta cuestiona.
Despues di a sali fo’i hospital, Bloch a comparti su storia riba e rednan social y el a sorprende ora cu el a topa cu poco solidaridad di e localnan. Di igual forma, ora cu tipo di incidente ta yega prensa, ta abunda comentario di hende cu ta considera e hortamento aki como un tipo di castigo “mereci” p’e stranheronan cu ta participante di e turismo sexual.
Cu un wega di palabra entre sexo y “expat”, Bloch a describi como “sexpats” na esunnan cu ta “bin aki unicamente buscando fiesta, diberticion y sex.”
“Mi ta di acuerdo cu e localnan: tin Mericano (Gringo) cu ta sushi y ta probecha di e muhenan. Pero kico ta pasa cu e bon tiponan cu ta cay den escopolamina?,” e empresario ta cuestiona.
