Tinder a anuncia dialuna un funcion nobo cu lo permiti e usuarionan comparti e detayenan riba nan proximo cita, manera nomber di e persona, luga, fecha y ora di e encuentro.
E linknan, cu ta inclui dicho informacion, lo ta visibel pa tur e destinatarionan, hasta pa esunnan cu no tin cuenta riba e aplicacion, un vocero di Tinder a detaya n’e website TechCrunch, agregando cu e por wordo manda hasta 30 dia prome cu e cita acord y lo caduca despues di un tempo determina.
“Papia di planes cu amigo y famia t aun ritual consagra di cita. ‘Comparti mi cita’ ta facilita e intercambio aki di informacion basico pa tur e solteronan cu por pasa directamente n’e parti emocionante, desde dicidi kico pa pone te prepara e temanan di combersacion,” e director di marketing di e compania, Melissa Hobly, a señala.
Ta premira cu e funcion nobo aki di link lo ta disponibel den e proximo lunanan na Merca, Canada, Mexico, Brasil, Spaña, Francia, Alemania, Tailandia, entre otro.