Sr. Shanon Croes, hefe di operacion na Dump, ta elabora rib’e situacion cu a presenta na Dump relaciona cu e candela di taira.
Sr. Croes ta splica cu ainda no ta conoci e motibo exacto tras di e candela aki, aunke e ta mustra rib’e posibilidadnan cu esaki por a bin di un parti di kima mata y yerba y e chispanan por a bula cay den e tairanan. Tambe e ta mustra cu e personanan cu ta piki koper, aluminium of bronze riba tereno di Dump tin biaha ta traha nan propio candela pa kima e materialnan aki.
Por ultimo Sr. Croes a splica cu tin dos candela riba tereno di Dump. Tin candela rib’e superficie di e tereno y un otro cu ta mas deep den e tereno, cual no por controla dor cu esakinan ta reaccionnan biologico cu ta traha un tipo di gas cu ta cende den dia of te hasta anochi. Pa cu esaki, nan a stop tur recolector di koper, aluminium y bronze di subi tereno di dump p’asina tin mas control riba esaki.