Ta cinco motibo so tin pa un hende por a aplica pa asilo politico cu tin di haber cu raza, religion, nacionalidad of si ta pertenece na cierto grupo politico cu ta wordo menaza cu morto pa opinion politico. Sr. Lito Lacle, vocero di polis, ta splica.
Ora un hende ta yega na un pais mesora e mester pidi asilo politico di biaha. E funcionarionan concerni ta duna un papel pa yena. Despues un proceso ta cuminsa riba e caso y asina ta cu e persona mester haci e anuncio na e momento cu e yega .
Locual cu ta dudoso awor aki ta cu un hende ta bin pidi asilo politico despues di tres aña na Aruba anto door cu a wak cu gobierno lo a haci e anuncio. Di e manera aki tin menos posibilidad cu e asilo ta bay wordo aproba y no despues di 2 luna of 2 aña.
Mayoria di e solicitud a wordo nenga pa e motibonan aki y por mira cu na Merca tambe di cada 100 peticion di Venezolanonan menos di un tercera parti a logra esaki. Mayoria di nan a wordo deporta bek na nan pais.