Pa Sr. Jim Heppel di AHATA e aña aki a cuminsa cu un reto nobo dor di e cambio cu presidente di Merca a trece cu esunnan cu no tin green card sali di Merca no lo drenta mas pa cual e grupo aki no ta sali mas di vakantie pa no perde nan chens pa keda biba na Merca.
Ya caba tin e prome grupo cu a cancela nan bishita pa Aruba, pa motibo di e problemanan pa drenta bek Merca. Sr. Hepple ta spera cu e mercado Mericano sigui crece, mester keda competitivo si Aruba kier sigui crece den e mundo di turismo.
Prome tabata tin un grupo cu a cancela, pero despues individualnan tambe a cuminsa cancela pa motibo di miedo. Ta trata aki di mas o menos 10%. Pero e ta toch suficiente pa e tour operatornan trece esaki na atencion di AHATA.
Kico AHATA lo haci pa bringa esaki? Bo ta haya e grupo cu tin nacionalidad Mericano, pero tambe tin hendenan cu ta den proceso pa haya nan green card prome cu nan haya ciudadania Mericano. No ta trata di un grupo grandi, pero si toch ta causa preocupacion, segun Sr. Jim Hepple di AHATA.
- Latest
