Ainda tin un grupo di mas di 15 mil persona cu mester renoba na zorgpas na AZV segun Sra. Solange Tchong.
Na final di 2016 ainda tabata spra un cantidad di 17 mil persona cu den 2017 mester renoba nan zorgpas y ta papia aki tanto di hendenan cu mester renoba e zorgpas pa periodo largo pero tambe di personanan cu p.e. cu tin un zorgpas di AZV, a base di permiso. E grupo aki, entre tanto den e prome kwartaal e cantidad ya caba a bira ainda falta 15.824 persona. E cantidad ta halto si ainda, pero AZV ta contento cu esaki.
Sra. Tchong a sigui splica cu parti di e zorgpas di 2017 tabata tin den 2016, na final di aña a wak cu tabata tin un cantidad di 3.807 persona cu den 2016 mester a renoba e zorgpas. E cantidad aki a baha, pero ainda tin un grupo di 1.884 persona cu mester percura pa awo si, den e prome kwartaal di 2017 pasa AZV. E recomendacion ta eigenlijk pa no core niun riesgo, pero percura pa e kaarchi ta na ordo. Manera ya caba a yega di splica, tin diferente manera pa controla si e persona tin derecho riba AZV, pero e recomendacion ta keda, pa no core riesgo. Preferiblemente evita di ta den un situacion penoso, dus zorg pa e carchi di azv ta na ordo.
E proceso, esaki kiermen tur e servicionan cu AZV ta duna na su tres localidadnan, uno na Camacuri, uno na San Nicolas y uno den MFA na Noord. Bou di tur tres a procesa un total di 7.595 servicio den e prome kwartaal. Y esey ta un cantidad cu AZV ta kere cu lo keda mescos cu 2016, unda cu eigenlijk a duna mas o menos 38 pa 40 mil servicio. E palabra ta servicio ta referi precisamente tur loke ta sosode na e Front Office, cual esunnan cu ta atende publico y esey kiermen cu por tin , un cantidad cu ta spera di mas di 17 mil zorgpas. Pero banda di esey, tin e procesonan of e otro servicionan cu AZV tambe ta duna, p.e. den e lunanna di cambio di dokter di cas, ta haya algun piek unda ta haya extra dianan cu servicio ta wordo duna di procesonan cu ta tuma luga.
Un persona cu tin un permiso di DIMAS y ta cay bou di AZV, e persona mester percura pa e carchi ta na ordo cada biaha. E asegurado mester cana su caminda na DIMAS pa renobacion di su permiso, asina tambe mester sosode cu AZV.