Tin plannan grandi pa e desaroyo di e area riba wak, pa loke ta yegada di e turista crucero. Minister di transporte, turismo, cultura y sector primario, Otmar Oduber, a splica cu e gate parti pariba por crea un tipo di circulacion cu turistanan ta sali un banda, drenta otro banda, cu por crea un bida bek tambe den henter e area aki, cu sa cu tin un cantidad di mall cu ta ubica, cu na e momentonan aki, no tin negoshi den nan, cu por crea un infrastructura, caminda cu tur hende den e area aki, por saca nan. Por mira borchinan cu a wordo poni, indicacion di parti di ATA, inversionnan cu a wordo haci, pa guia turista, sak’e di APA, hink’e den e ciudad, pasa na e museonan, pasa na e tiendanan, conoce henter centro di ciudad y cu toch por pasa tambe den e area aki, habriendo e gate. Naturalmente tin cu papia riba e parti di Siguridad cu por ta lo costa APA un poco mas cen.
E minister ta kere cu tin e espacio cu por percura cu henter e desaroyo den e area aki, por wordo crea door di habri e gate mas pariba, si yame asina, pa circulacion di e pasaheronan cu ta subi y baha e barconan, por crea mas posibilidad pa e propietario di e edificionan y comercio cu tin e area aki y cu porcierto, lo crea un sentido mas di siguridad y siguridad pa e bishitante mes cu hopi biaha pa kibocacion, por ta ta coy e caya Weststraat y ta hay’e, si ta anochi barco ta sali, den un scuridad hopi grandi. Mester haci inversion pa ilumina y percura pa henter e area aki ta duna un sentido di mas siguridad na nos bishitantenan.