Tin opcion riba mesa pa preveni cu trahadonan di limpiesa di SKOA no perde nan trabao

Awe trahadonan di limpiesa di scolnan bao SKOA a bay Bestuurskantoor pa bay busca contesta manera cu ayera durante accion di protesta minister di Labor a primiti di lo tin un contesta riba nan preocupacion y malcontento. A bini dilanti cu si no bin contesta pa awe, e trahadonan lo pone trabao abao cu consecuencia cu scolnan bao SKOA no lo wordo haci limpi.

Minister a yama un delegacion di SEPPA y SIMAR anto a wordo informa cu conseho di minister a bao di acuerdo cu e proposicion di mediadior pa bin cu un comision chikito cual a corto plaso lo mester bin elabora y presenta un solucion na conseho di minister pa tuma un decision.

E comision aki lo wordo lidera pa mediadior di gobierno y lo mester traha hopi lihe pa bin cu un proposicion riba mesa den 2 siman riba kico lo bira e posibel solucion pa trece paz y trankilidad pa trahadonan di limpiesa di scolnan di SKOA.

Comments

comments