Den 14 aña ta varios ta e muchanan cu a wordo yuda. Ta dificil pa duna un cifra, pero si continuamente tin mester di famia di crianza. Sra. Nathalie Tromp, directora di Centro Famia di Crianza.
Asina cu tin un mucha cu a haya un famia, tin mester di un otro cu mester un famia di crianza atrobe. Tin di e muchanan cu a bay bek cerca nan mayor, y tin a keda cerca famia di crianza. Unabes cu un famia tin un mucha, no ta asina cu por pone un otro mucha cerca nan, ya cu hopi di e famianan ey tin mucha cu a pasa den negligencia, abuso cu tin mester di su atencion, su dedicacion. No por yega pone otro mucha cercanan. P’esey ta keda cu e scarcedad cu ta keda pidi pa famianna acerca Centro Famia di Crianza pa yuda muchanan den comunidad.
Siman pasa nan tabata den e Curvy Celebration riba invitacion di e promotornan. Nan tabata tin un booth cu e informacion tocante famia di crianza, ya cu den comunidad ainda tin e pensamento negativo tocante di cuido di crianza. Mayor por bin busca e mucha ki ora cu ta, e muchanan tin comportacion. Esey no ta berdad. Ta traha cu instancia, y esey kiermen cu tur cos ta bay segun un proceso. Si ta asina cu e mayor ta haya su yiu bek, esey kiermen cu situacion na cas a mehora. Bishita ta sosode entre e mucha y su mayor biologico, ya cu e mucha tin cu sa ken ta su mayor, y e kier sinti cu su mayor ta stim’e y ta preocupa pe, maske cu e ta contento na e famia di crianza. Te asina leu, Sra. Nathalie Tromp, directora di Centro di Famia di Crianza.