Danilo Prescott di Bureau City Inspector ta wak cu e aña aki e comportacion di nos hendenan pa evita di tira di sushi riba caminda ta bayendo bon.
Esaki ta e ultimo dos simannan, cual ta hopi druk. Preparacionnan ta andando bon. Bureau City Inspector y Bario Regisseurs ta cla pa e reto aki. Tur cos caba ta papia con ta bay pak’e aan. Y ta cla pa mantene e rutanan di Carnaval limpi.
Segun Prescott, parada siman pasa di Playa tabata increibel. No a haya e ruta sushi manera cu a verwacht. Tur e mensahenan cu a tuma luga pa mantene e cayanan limpi a duna su resultado. Hopi a haci uzo di saconan di plastic.
Bureau City Inspector ta haci e mesun di semper. Coopera cu City Inspector, pero tambe cu Serlimar y KPA. Lo bay tin saconan di sushi. Por deposita nan desperdicio den esaki y/of bari. Serlimar lo percura pa tin suficiente bari riba caminda. City Inspector lo percura pa tin saco di sushi riba caminda. No tin necesidad pa tir’e abao, sino busca e bari of saco di sushi mas cerca dibo, Prescott a enfatisa.