Directora di Departamento di Recurso Humano, Omaira Lares, a splica cu ainda tin mas empleado publico cu tin cu huramenta. El a conta cu e trayecto di huramentacion di empleadonan publico ta sigui. Tin gruponan grandi cu tin cu huramenta ainda. No a caba, pero a pasa den mayoria departamento di ministerio di finansas y asina lo bay sigui cu e diferente departamentonan.
Lares a agrega cu e ultimo cinco añanan a cuminsa cu esaki atrobe. Prome cu esey, tempo e tabata traha pa un otro departamento, a haci un inhaalslaag cada 2 aña. Awor aki por bisa cu tin gruponan grandi, por lo menos 500 pa 800 hende ainda, cu tin cu haci huramentacion.
E regla ta bisa cu no tin un termino cu tin cu haci’e pa dos una, tres luna, of cada aña, pero tin cu haci’e “bij de benoeming”.
Lares mes a drenta den servicio na September y ya pa December a haci’e. Ta preparando e draaiboek cu dentro di tres luna of seis luna, tin cu haci e huramentacion. Loke ta pasa ta cu antes ta gobernador ta esun cu ta haci e huramentacion y e ta deleg’e na e hefe di departamento. Esey tabata cosnan cu no ta tur hefe ta cla pa haci’e. Awor aki a pidi den gruponan grandi, a pidi e gobernador interino of gobernador mes, pa haci e huramentacion, e ora ta eleva e importancia di loke ta declara. E no ta bay ta posibel cu den tur ocasion gobernador tey, pero si cu e minister mester tey.
Ademas di esey, Lares a conta cu e huramentacion aki no ta adkiri nada na e posicion huridico cu ta haya un condicion di trabao extra. Loke si e ta, cu e ta pone un obligacion riba e persona, uno moral, pa cumpli cu debernan como empleado publico.
Ta priminti, no na gobernador of na minister of na otro, ta priminti dilanti di Dios, dilanti di Rey tambe, dilanti gobernador como representante, cu ta cumpli cabalmente cu loke bo a priminti. Bo no ta duna placa, duna informacion, ta sigui regla. E ta mas tanto un obligacion moral, segun Lares.
Cada biaha ta haci esaki den algo un tiki mas formal. E mester ta mas eleva pa e obligacion moral cu ta duna na e ambtenaar cu a priminti na pueblo, dilanti di e representante di Rey, dilanti minister, director y demas coleganan, cu lo bo cumpli cu bo trabao. Asina ta depende di otro. Si haci e trabao bon, abo tambe por haci’e bon den e departamento. Asina e ta sigui carga.
Tin 12 ambtenaar retira, segun Lares. Tin hopi empleado cu ta geschorsd. Ora di tene cuenta cu cosnan disciplinario cu tin cu wordo haci, ta wordo haci. Vooral ora cu ta haci cosnan cu no por pasa. Na momento cu haci algo, conta cu e medidanan disciplinario ta bay aparece tambe.
Cada departamento tin nan set di regla. Tin un set di regla general y despues di esey tin cu compronde cu ta ambtenaar 24 ora, bo ta ambtenaar pasobra bo ta haci algo, pero si bo no haci algo tambe, bo por haya un disciplinaire ontslag of procedura contra bo. E debernan general ta hinca den LMA, pero den cada departamento tin reglanan specifico tambe.