Tin indicacion di un subida di prijs di benta di petroleo

Riba tur di dos diaranson di luna, Departamento di Asuntonan Economico, Comercio y Industria ta informa e prijs di gasolin, diesel y kerosin basa riba e posting promedio di Platts US Marketscan (Gulf Coast).

Prijs di gasolin, diesel y kerosin a subi
A base di e posting internacional di e periodo di 1 di februari pa 28 februari ta indica cu e prijsnan di benta di petroleo a subi. E prijs di combustibel entrante diaranson 13 di maart lo subi; gasolin lo subi cu…cen pa liter; diesel lo subi cu …cen pa liter y kerosin lo subi cu ..cen pa liter.

Splicacion di Minister di Finansa, Asuntunan Economico y Cultura
Minister di Finansa, Asuntonan Economico y di Cultura, Xiomara Ruiz-Maduro a splica cu tin algun rason importante pa e subida den prijsnan di benta di combustibel di e luna aki:
1. E situacion actual na Venezuela
Door di e situacion actual di Venezuela y e sancionnan cu Merca a pone riba Venezuela, Merca mester a busca otro luganan pa importa crudo. Consecuentemente Merca mester paga un prijs mas halto pa e materia prima y e consumidor lo mester carga e gastonan adicional.
2. E temporada di mantenemento di e refineria
Na fin di februari mayoria bes hopi refineria ta para nan produccion temporalmente pa haci nan mantencion rutinario. Esaki ta haci cu tin hopi refineria cera na e momentonan aki y no ta produciendo combustibel.
3. Mas demanda pa combustibel
Den lunanan venidero april y mei, consumidornan por spera cu e prijs di crudo lo por sigui subi (cu excepcion cu tin un bahada hopi drastico den prijs di crudo). Esaki ta door cu na Europa y Merca den e temporada aki lo bai bira mas calor y consecuentemente mas hende lo uza gasolin y diesel.
4. Sancion di Merca riba Iran
E sancionnan cu Merca a pone riba Iran tambe a haci un efecto riba e prijs di productonan petrolero y a pone cu esaki a subi mundialmente.
E subida di prijs di crudo internacionalmente ta trece un subida di prijs di productonan petrolero na Aruba. Minister Xiomara Maduro a sigui splica cu Gobierno di Aruba no por influencia e subida of bahada di prijs di combustibel. E prijs di crudo mundialmente ta un parti fiho dentro di e sistema cu e prijs ta wordo calcula aki na Aruba..

Comments

comments