Na Aruba tin hopi ley cu ta wordo viola. Tin hopi abuso di trahado. Hopi posicion antisindical na varios compania. Ta mir’e na FCCA. Tin caminda cu nan ta negosha cu e posicion ta fuerte, anti sindical totalmente, segun presidente di FTA, Hubert Dirksz. Di hendenan local, comerciantenan cu bo ta spera miho, cu supuestamente ta hendenan prominente cu lo kier Aruba bon, pero nan tin un posicion anti sindical totalmente y ta increibel. Loke ta pasando na Aruba ta insolito, pero ta kere cu si na Aruba tur instancia ta haci nan trabao, e departamento di Gobierno ta haci nan trabao, pa inspecciona kico ta pasa na pia di trabao na prome luga, ta evita hopi problema y multa mester cay.
Dirksz a splica cu Warda nos Costa ta yega na un empresa y prome cu e yega ya e trahadonan sa caba y tur ta bay sconde y esey no ta bon. Ta spera cu seriedad prevalece. Di parti di Gobierno laga esakinan tuma luga. No stroba. Aparentemente di paden mes ta stroba cu inspeccion no ta tuma luga. No por permiti ilegalidad sigui na e forma cu e ta bay.
E sindicalista a sigui comenta cu ta cerca di Dia di Obrero y ta kere cu Pueblo mester reflexiona y e trahado mester reconoce e importancia di sindicato. E forsa di e sindicato ta e forsa di e trahado conciente. Sigur cu un trahado conciente cu ta lanta para, e por pone tambe Gobierno y dunado di trabao respeta. Ta spera aki na Arub esey, pasobra ya el a pasa e liña caba, Dirksz a duna di conoce.