Hefe di Departamento di Inspectie, sr. John Hessen, ta elabora tocante e cifranan di aña escolar cu a caba di pasa.
Segun sr. Hessen, nan ta haya hopi cifranan cu nan mester procesa y ta comparti esaki cu coleganan di Directie Onderwijs. E aña aki den e prome tijdvak, e porcentahe tabata un tiki mas abou, pero despues di e di dos tijdvak, esta e her-examen, e porcentahe a subi cerca hopi scol. Enseñansa ta forma parti di un comunidad total den cual tin otro factornan cu tambe ta hunga un rol den enseñansa. Ta hopi importante pa Inspectie dedica hopi tempo cu e contacto cu e scolnan y nan directiva pa controla e cuido y extra ayudo pa e studiantenan, fuera di controla cifra y porcentahenan. Tin espacio pa mehoracion den enseñansa. Hobennan ta hopi interesa den tecnologia. Un di e retonan cu tin ta con pa asimila tecnologia moderno den enseñansa di e forma corecto pa motiva hobennan.
Sr. Hessen no ta di acuerdo si tin cierto comentarionan di Hulanda cu ta critica e porcentahe di enseñansa na Aruba. Pero e ta sinti positivo cu hopi hoben ta analisando kico tur Aruba mes tin pa ofrece p’asina progresa cu estudionan academico aki mes y no tin mester di bay afo. Tin espacio pa mehoracion y nan ta keda hopi riba e parti di e dominio di idioma Hulandes si e hobennan ta bay studia na Hulanda.